Kultur- og næringsavdelinga består av følgande tre seksjonar:

• Seksjon for allmenn kultur
• Seksjon for kulturarv
• Næringsseksjonen

Kultur

Fylkestinget har gitt følgande overordna mål for den fylkeskommunale kulturpolitikken:

"Rogaland fylkeskommune har som mål å føre ein offensiv kulturpolitikk og utvikle kulturlivet på regionalt nivå både for profesjonelle, amatørar og publikum generelt dette i nært samarbeid med kommunar, stat og frivillige organisasjonar, institusjonar og private aktørar."

Kulturen skal vere eit sentralt punkt i regionalpolitikken. Han skal legge til rette for å skape like moglegheiter for kulturarbeid og kunstnariske opplevingar i dei ulike regionane i fylket.

Kultur har ansvar for fylkeskommunen si støtte til:

• kulturinstitusjonar: teater, orkester og museum 
• frivillige organisasjonar
• idrett- og friluftsliv

Innan kulturfeltet ligg òg det operative ansvaret for:

• Den kulturelle skolesekken
• Fylkesbiblioteket 

Sektormyndigheit innanfor kulturminnevernet med saksbehandling ligg under kultur, og er lagt til seksjon for kulturarv.

Næring

FN sine bærekraftmål er sentrale i fylkeskommunen og ligg til grunn for arbeidet med næringsutvikling, og tek sikte på å utløyse og forsterke:

• ei felles regional retning for kunnskapsbasert næringsutvikling
• samordna offentleg verkemiddelbruk
• ta ei leiarrolle som samfunnsutviklar
• støtte opp under etableringar og entreprenørskap
• legge til rette for auka internasjonalisering
• ha ei koordinerande rolle og gi felles retning
• samarbeide om å bygge solide regionale institusjonar

Auka kompetanse, forskingsinnsats, omstilling og dessutan auka medvit rundt klima- og miljøpolitikk i næringslivet skal sikrast gjennom regionale verkemiddel. Det vidare arbeidet skal gjerast i tett samarbeid med akademia, næringsliv og andre partnarar for å sikre at verkemidla treffer regionen sitt reelle behov.

I desember 2020 blei Rogalands nye nærings- og innovasjonsstrategi vedteke av fylkestinget. Nærings- og innovasjonsstrategien for Rogaland er førande og gir retning for fylkeskommunen sine prioriteringar innan næringsutvikling.

Plan-, miljø- og samfunnsavdelinga har ansvar for eit mangfald av oppgåver.

Plan-, miljø- og samfunnsavdelinga er:

• planmyndigheit med ansvar for rettleiing av kommunane og oppfølging av kommunen sine planar, og ansvar for regionale planar
• del av friluftslivsforvaltninga med eit generelt ansvar for å fremme publikum sine friluftsinteresser
• ansvarleg for folkehelsepolitikken i Rogaland, og skal forankre helse i alt vi gjer gjennom fylkeskommunale oppgåver og verkemiddel
• ansvarleg for å fremme arbeidet med universell utforming for å styrke moglegheitene til like levekår og for eit inkluderande samfunn.
• viltorgan og del av fiskeforvaltninga med ansvar for forvaltning av førekomster og rettleiing til kommunane
• regional utviklingsaktør med ansvar for å fremme heilskapleg og ønskt samfunnsutvikling i eigen region
• vannregionmyndigheit med ansvar for å koordinere arbeid med vassforvaltning og å lage forvaltningsplan
• vannforvaltningsmyndigheit, med ansvar for å koordinere arbeidet med ein regionalplan for vassforvaltning i Rogaland

Alle desse oppgåvene er lovpålagde oppgåver. I tillegg har plan-, miljø- og samfunnsavdelinga ansvar for internasjonale prosjekt, kart, statistikk og analysearbeid, koordinering av RUP (regionalt utviklingsarbeid), tildeling av tilskuddsmidler og for tematisk oppfølging av eigne planar.