Rogaland fylkeskommune varslar oppstart av planarbeid med detaljregulering av fylkesveg 4762 Føresvikvegen, ved Føresvik i Bokn kommune. (Plan-ID 202401)
Formålet med planarbeidet er å etablera ei trafikksikker løysing for mjuke trafikantar på strekninga mellom Bokn Arena og Føresvik sentrum, ved krysset mellom Føresvikvegen og Stabburvegen. Veganlegget skal utbetrast med auka bredde, betre siktforhold og utbetra/færre avkøyrslar på strekninga. Det skal også gjerast ei opprydding i plangrunnlaget i søre del av planområdet.
Planoppstart er også kunngjort på heimesidene til Bokn kommune. På kommunen sine nettsider finnes også planinitiativet, som beskriver bakgrunn, mål og metoder for videre arbeid med planen.
Kart over planområdet i Føresvikvegen.Folkemøte og open kontordag
Bokn kommune inviterer til ope folkemøte med «stadsutvikling» som overordna tema, der representantar for Rogaland fylkeskommune vil vera med for å gi ei kort orientering. Rogaland fylkeskommune inviterer også til open kontordag med informasjon om arbeidet.
Det vil skje på følgjande datoar og begge møta er i Bokn Arena:
- Folkemøte tysdag 21. mai klokka 18.00. Her gis kort informasjon om planarbeidet.
- Open kontordag mandag 27. mai klokka 14.00 til 18.00. Her kan du stilla spørsmål og få meir informasjon.
For spørsmål til planarbeidet, open kontordag eller folkemøte, ta kontakt medplanleggingsleiar Simen Økland i Rogaland fylkeskommune på telefon 95 82 24 94, eller på e-post til simen.okland@rogfk.no.
Har du merknader?
Merknader til planarbeidet kan sendast på e-post til firmapost@rogfk.no, eller til: Rogaland fylkeskommune, Postboks 130, 4001 Stavanger.
Merk sendinga med saksnummer 2023/61659 og plannamn, i tillegg til fullt namn og adresse.
Frist for å senda inn merknader er 23. juni 2024.
Rogaland fylkeskommune gir dette varselet i tråd med plan- og bygningslova (pbl) § 12-8. Planen vert utarbeidd som detaljreguleringsplan etter pbl § 12-3. Rogaland fylkeskommune og Bokn kommune har i samsvar med pbl § 4-2 vurdert at planen ikkje skal konsekvensutgreiast.